Manchester United er í leit að nýjum markverði og er enn eitt nafnið orðað við félagið nú, Marco Carnesecchi hjá Atalanta.

Andre Onana hefur ekki staðist væntingar sín tvö ár á Old Trafford og verður honum sennilega skipt út í sumar. Carnesecchi sprakk út með Atalanta á leiktíðinni og segja ítalskir miðlar að United hafi augastað á honum.

Hinn 24 ára gamli Carnesecchi er samningsbundinn í Bergamó í þrjú ár til viðbótar en Atalanta er opið fyrir því að losa hann ef tilboð upp á um 35 milljónir punda berst.

Töluverður fjöldi markvarða hefur verið orðaður við United í sumar. Má þar nefna Martin Bulka, Mile Svilar, Lucas Chevalier, Emi Martinez og Marc-Andre ter Stegen.