Það fór ekki framhjá neinum að Trent Alexander-Arnold var kynntur til leiks hjá Real Madrid í síðustu viku.
Bakvörðurinn kemur frítt frá Liverpool, þar sem samningur hans rann út. Greiddi Real Madrid enska félaginu þó 10 milljónir punda til að hafa hann með sér á HM félagsliða.
Trent fékk ekki aðeins langtímasamning og vænan launapakka í Madríd heldur einnig tvær gjafir eftir undirskrift.
Fékk hann eftirlíkingu af Santiago Bernabeu, leikvangi Real Madrid, sem og glæsilegt úr. Félagið opinberaði þetta á miðlum sínum.
Trent gæti spilað sinn fyrsta leik fyrir Real Madrid á miðvikudag, þegar liðið mætir Al-Hilal í fyrsta leik á HM.
