Fyrrum stórstjarna hefur opnað sig um það sem er í gangi í hans lífi í dag en hann skuldar skattinum margar milljónir og var nálægt gjaldþroti í sumar.

Maðurinn ber nafnið John Barnes og lék lengi með Liverpool en hann var á gríðarlega háum launum á sínum tíma er hann spilaði með Liverpool sem og öðrum félögum.

Barnes er í dag 61 árs gamall en hann hefur áður lent í vandræðum með skattinn en taldi sig vera búinn að borga upp allar skuldir fyrir um ári síðan.

Í fyrra fékk hann svo að heyra af því að hann þyrfti að borga margar milljónir til viðbótar og hefur nú samþykkt að borga 1,6 milljónir króna á mánuði til ríkisins í von um að losna endanlega við þessi vandræði.

Barnes kennir ákveðnum svikahröppum um að hann hafi tapað háum fjárhæðum á sínum tíma og að hann hafi treyst röngum aðilum á þeim tíma.

,,Fyrir utan nokkrar slæmar nætur þá hefur þetta ekki haft of stór áhrif á mig ef þú miðar við það sem er í gangi í heiminum,“ sagði Barnes.

,,Það er fólk í miklu verri málum en ég. Svo lengi sem ég get borgað þessa skuld og sinnt minni vinnu. Ég er að borga ríkinu tíu þúsund pund á mánuði sem þýðir að ég er ekki að þéna 20 þúsund pund á mánuði sem þýðir að þetta mun ganga yfir í einhvern tíma.“

,,Ég hef náð að semja um skuldina en ég hélt að ég hefði klárað málið fyrir um ári síðan eða svo, eðlilega komu nýjustu fréttirnar mér á óvart.“

,,Ég þénaði mikla peninga á sínum tíma og ég var sá fyrsti í sögunni til að fá tíu þúsund pund á viku sem fótboltamaður og það hjálpaði mér í nokkur ár.“

,,Eins og margir aðrir þá lenti ég í svikahröppum því ég treysti fólki, ég hef tapað allt að 1,5 milljónum punda á síðustu fjórum árum.“