Hollenski landsliðsmaðurin Quincy Promes er klár í að snúa aftur til heimalandsins en aðeins gegn því loforði að hann verði ekki handtekinn.

Hollenska lögreglan hefur um langt skeið reynt að fá Promes framseldan frá Dubai en án árangurs, hann á yfir höfði sér sjö og hálfs árs fangelsi.

Promes á að baki 50 landsleiki fyrir Holland en hann lék einnig með liðum eins og Sevilla og Ajax á ferlinum.

Quincy Promes finally tells his side of the story pic.twitter.com/qgLEjTEHpO

— The Upshot podcast (@UpshotTowers) June 16, 2025

Promes var dæmdur í sex ára fangelsi í febrúar á síðastas ári fyrir sinn þátt í að smygla kókaíni inn til Hollands en hefur enn ekki verið handtekinn.

Ekki nóg með það heldur var Promes einnig dæmdur fyrir að stinga frænda sinn í hnéð árið 2020 og skuldar þar 18 mánuði á bakvið lás og slá.

Promes hefur enn ekki verið yfirheyrður þar sem hann neitar að snúa aftur heim. „Hann flúði fyrst til Rússland og svo til Dubai, hann vonar að allir fyrirgefi sér,“ sagði í hlaðvarpi Upshot.

Þar kemur fram að Promes reyni að ná í yfirvöld í Hollandi þar sem hann reynir að semja um málið. „Ég vil hreinsa loftið, fólk segir að ég sé í felum en ég hef reynt að ná í yfirvöld til að leysa málið;“ sagði Promes í nýlegu viðtali.

Ólíklegt er að yfirvöld í Hollandi hafi einhvern áhuga á því heldur vilja þau handataka Promes og senda hann í fangelsi.