Galatasaray vill fá Ilkay Gundogan frá Manchester City í sumar og er miðjumaðurinn opinn fyrir því að fara.

Þetta kemur fram í tyrkneskum miðlum, en aðeins er ár síðan Gundogan sneri aftur til City eftir misheppnaða dvöl hjá Barcelona.

Nú gæti Þjóðverjinn, sem á tyrkneskar rætur, söðlað um á ný en Tyrklandsmeistarar Galatasaray hafa sýnt mikinn metnað á markaðnum í sumar og voru að landa Leroy Sane frá Bayern Munchen.

Líklegt þykir að hinn 34 ára gamli Gundogan yrði ekki í lykilhlutverki í liði Pep Guardiola hjá City á næstu leiktíð og er kappinn meðvitaður um það.