Gary Neville og David Beckham sem í dag stýra Salford City félaginu hafa losað sig við 17 leikmenn nú þegar tímabilið þar er á enda.
Neville og Beckham keyptu vini sína út úr félaginu en áður voru Nicky Butt, Ryan Giggs, Paul Scholes og Phil Neville hluthafar.
Um er að ræða nokkra lykilmenn en þar má nefna Matthew Lund, Conor McAleny og Liam Shephard en einnig fer Ryan Watson frá félaginu.
Þá losar félagið sig við unga leikmenn en Liam Humbles, Ben Collins, Aiden Lancaster, Eze Bowen, Matty Cucos, Jacob Hamman, Kamoy McNair, Jon Taylor, James Carr, Callum Morton, Jez Davies, Marcus Dackers og Sandro Da Costa fara allir.
Salford er í fjórðu efstu deild en Beckham og Neville vilja fara að koma liðinu hærra upp töfluna og munu setja kraft í að fá inn öfluga leikmenn í sumar.
