„Við erum að ráða starfsmenn (Ekki þig Erik),“ segir á stórri auglýsingu frá Dominos sem er fyrir utan Old Trafford í Manchester í dag.

Dominos eins og flestir voru meðvitaðir um fund sem stjórn Manchester situr nú á.

Þar er rætt um það hvort reka eigi Erik ten Hag úr starfi sem knattspyrnustjóri United. Dominos hefur ekki áhuga á að ráða hann ef hann verður rekinn.

Auglýsingin hefur vakið gríðarlega athygli.

Mikil pressa er á stjórnendum United að taka ákvörðun um það hvað skal gera.

United er aðeins með átta stig eftir sjö leiki í ensku deildinni, versta byrjun í sögu liðsins í úrvalsdeildinni.

Manchester Evening News sem er staðarblaðið í Manchester segir að Thomas Tuchel sé efstur á óskalista þeirra sem ráða ef farið verður í breytingar.

Tuchel fór í viðræður við United í sumar þegar félagið skoðaði að reka Ten Hag en ekkert varð úr því.

Tuchel hætti með Bayern í sumar og er án félags og gæti því hoppað strax inn ef samningar nást um kaup og kjör.