Jamie Vardy er engum líkur og sýndi það enn á ný um helgina.
Þá fagnaði hans lið, Leicester, sigri í ensku B-deildinni en það er komið upp í úrvalsdeildina á ný eftir árs fjarveru.
Í fagnaðarlátum eftir leik gengu leikmenn hring um völlinn með fjölskyldum sínum og ákváðu þrjú börn að fara að leika sér með bolta úti á vellinum.
Vardy sá sér leik á borði og rennitæklaði boltann af einu barninu. Myndband af þessu er hér neðar.
Vardy skoraði 18 mörk í B-deildinni á leiktíðinni og hefur þessi 37 ára gamli leikmaður talað um að hann vilji taka slaginn með Leicester í úrvalsdeildinni.