Kári Eydal 17 ára Ísfirðingur hefur síðasta hálfa árið æft og spilað með norska stórliðinu Rosenborg. BB.is segir frá.

Kári hefur leikið með Herði á Ísafirði í 4 deild karla undanfarið en fjölskylda hans flutti til Noregs á síðasta ári.

„Ég mun fá að vita á næstu vikum hvort ég fái samning eða ekki, þótt ég fái ekki samning hefur þetta verið frábær reynsla að fá að æfa með svona góðu liði. Þetta er frábær aðstaða hérna og þjálfararnir eru góðir,“ segir Kári við BB.is

Hólmar Örn Eyjólfsson er í aðalliði Rosenborg en Kári fær á næstunni að vita hvort hann fái samning.