Búið er að taka ákvörðun um að spila ekki leiki í ensku úrvalsdeildinni um helgina. Enska úrvalsdeildin staðfestir þetta.
Meðlimir bresku konungsfjölskyldunnar flýttu sér til Balmoral í Skotlandi í gær eftir að læknar Elísabetar II drottningar höfðu sagt að hún ætti aðeins nokkrar klukkustundir ólifaðar. Aðeins Karl sonur hennar, nú Karl III konungur, og Anna, dóttir hennar, náðu til Balmoral áður en drottningin lést. Þau voru bæði stödd í Skotlandi þegar fréttir bárust af alvarlegu ástandi drottningarinnar.
Af virðingu við drottninguna hefur verið ákveðið að ekki verði spilað á Englandi um helgina.
Þetta á einnig við aðra knattspyrnuleiki á Englandi en þjóðarsorg ríkir í Bretlandi vegna andláts Elísabetar.
Yfirvöld í Bretlandi höfðu gefið grænt ljós á að leikirnir færu fram en deildirnar ákváðu að spila ekki.
NEW : Premier League matches this weekend set to be called off.https://t.co/xAqn5ZUsGC
— Martyn Ziegler (@martynziegler) September 9, 2022