Fyrrum knattspyrnumaðurinn Eric Abidal grátbiður eiginkonu sína, Hayet Abidal, um að fyrirgefa sér í kjölfar frásagna af framhjáhaldi sínu með knattspyrnukonu Paris Saint-Germain, Kheira Hamraoui.

Hayet segir að þessi fyrrum leikmaður, síðar yfirmaður íþróttamála, hjá Barcelona hafi viðurkennt fyrir henni að hafa haldið framhjá með Hamraoui. Hayet hefur hafið skilnaðarferli.

,,Hayet, fyrirgefðu mér. Hvað sem þú ákveður þá munt þú alltaf verða konan í mínu lífi og sérstaklega móðir yndislegu barna okkar,“ skrifaði Eric Abidal á Instagram.

Hann hélt áfram; ,,Ég á þessa niðurlægingu skilið, þó það drepi mig lifandi.“

Í síðustu viku komst það í fréttirnar að Hayet væri grunuð um að hafa skipulagt árás á Hamraoui. Árásin átti sér stað fyrir tæpum þremur vikum. Mirror segir hins vegar frá því í dag að ekkert bendi til þess að hún hafi átt þátt í árásinni.

Sagt er í fréttum að árásarmennirnir hafi dregið Hamraoui út úr bíl hennar. Þá eiga þeir að hafa lamið hana með járnröri og sparkað í lappirnar á henni. Árásin átti sér stað fyrir tveimur vikum síðan.

Samkvæmt franska staðarblaðinu Le Monde, hrópuðu árásarmennirnir ,,þér finnst gott að sænga hjá giftum mönnum“ á meðan að þeir réðust á hana.

Degi eftir árásina hringdi Hamraoui í Abidal og það leiddi rannsókn lögreglu að þeirri staðreynd að sími hennar er skráður á Abidal.

Það var eftir árásina sem Eric er sagður hafa viðurkennt framhjáhaldið með Hamraoui.

Aminata Diallo, liðsfélagi Hamraoui, var grunuð um að hafa skipulagt árásina en henni var síðan sleppt úr haldi og þá beindust spjótin að fyrrverandi kærasta Hamraoui.