Íslenska karlalandsliðið mætir Norður-Makedóníu í lokaleik sínum í undankeppni Heimsmeistaramótsins 2022 nú klukkan 17. Leikið er ytra. Byrjunarlið Íslands í leiknum hefur verið tilkynnt.
Tvær breytingar eru á byrjunarliðinu frá því í síðasta leik gegn Rúmenum. Guðmundur Þórarinsson kemur inn fyrir Ara Frey Skúlason sem fór meiddur út af snemma í síðasta leik. Þá kemur Birkir Már Sævarsson inn í liðið fyrir Alfons Sampsted.
Ísland er í fimmta sæti riðilsins með 9 stig og á ekki möguleika á að komast á HM fyrir þennan lokaleik sinn í riðlinum.
N-Makedónar eru í öðru sæti með 15 stig og tryggja umspilssæti um þátttökurétt í lokakeppninni í Katar með sigri á Íslandi í dag. Rúmenar anda þó ofan í hálsmálið á þeim. Liðið er með 14 stig.
Nánast bókað er að Rúmenar vinna sinn leik gegn Liechtenstein í dag. Ísland mun því að öllum líkindum skemma drauma N-Makedóna með því að gera jafntefli eða sigra í dag.
Um 16 þúsund áhorfendur fá að mæta á völlinn í Skopje í dag.Leikvangurinn sem spilað verður á, Todor Proeski, tekur almennt 33 þúsund manns. Aðeins má þó nýta 50 prósent sæta vegna reglna sökum kórónuveirufaraldursins.
Byrjunarlið Íslands
Elías Rafn Ólafsson – Birkir Már Sævarsson, Brynjar Ingi Bjarnason, Daníel Leó Grétarsson, Guðmundur Þórarinsson – Ísak Bergmann Jóhannesson, Birkir Bjarnason, Stefán Teitur Þórðarson – Albert Guðmundsson, Sveinn Aron Guðjohnsen, Jón Dagur Þorsteinsson.
