Alex Freyr Elísson mun ekki ganga í raðir Víkings eins og fjallað hafði verið um. Undir lokin á viðræðum félagsins við Alex náðu aðilar ekki saman.
Alex var í liði ársins í Lengjudeild karla en samningur hans við Fram er senn á enda. Alex var öflugur sem hægri bakvörður í sumar.
Fram tapaði ekki leik í Lengjudeildinni en Alex er 24 ára gamall og skoraði tvö mörk í 17 leikjum.
„Því miður náðu aðilar bara ekki saman,“ sagði Arnar Gunnlaugsson þjálfari Víkings og staðfesti tíðindin. Líklegast er að Alex verði áfram í herbúðum Fram.
Víkingur er einu hænuskrefi frá því að vinna efstu deild karla en sigur gegn Leikni í lokaumferðinni tryggir liðinu þann stóra.