Tottenham tók á móti Chelsea í 5. umferð ensku úrvalsdeildarinnar í dag. Leiknum lauk með 0-3 sigri Chelsea.
Tottenham var ívið sterkara liðið í fyrri hálfleik en Chelsea átti erfitt með að skapa sér færi. Kepa stóð vaktina í markinu fyrir Chelsea og varði vel nokkrum sinnum.
Tuchel virtist hafa lesið yfir sínum mönnum í hálfleik en allt annar bragur var á liðinu í seinni hálfleik. Thigao Silva kom Chelsea yfir snemma í seinni hálfleik með skallamarki eftir hornspyrnu. Kanté tvöfaldaði forystu gestanna tæpum tíu mínútum síðar með skoti langt utan af velli sem hafði viðkomu í Eric Dier og lak þaðan í markið. Eftir þetta stjórnuðu leikmenn Chelsea leiknum og Timo Werner fékk meðal annars góð færi til að gera út um leikinn.
Antonio Rudiger gulltryggði sigur Chelsea með þriðja markinu í uppbótartíma eftir góða sendingu frá Werner.
Tottenham 0 – 3 Chelsea
0-1 Thiago Silva (´49)
0-2 N. Kanté (´57)
0-3 A. Rudiger (´90+2)