Aston Villa tók á móti toppliði Manchester City í 32. umferð ensku úrvalsdeildarinnar á Villa Park. Manchester City höfðu betur í leiknum og unnu 1-2 sigur.
Peter Bankes, dómari leiksins, hafði rétt flautað leikinn af stað þegar McGinn kom heimamönnum yfir eftir góða sókn. Margir bjuggust við því að þetta myndi setja plön City í vaskinn en svo var ekki og var hreinlega eins og þeir væru móðgaðir á að fá á sig mark svona snemma og við tók mikill sóknarbolti sem skilaði árangri eftir um 20 mínútur þegar Phil Foden jafnaði metin eftir frábæra sókn. Rodri kom gestunum svo yfir undir lok fyrri hálfleiks.
Á 45. mínútu fékk Stones að líta rauða spjaldið eftir tæklingu á Ramsey. Dómari leiksins hafði gefið Steina litla gult spjald en VAR snéri dómnum við og voru City menn manni færri í seinni hálfleik.
Aston Villa náðu ekki að nýta sér liðsmuninn og á 58. mínútu fékk Cash sitt seinna gula spjald eftir tæklingu á Phil Foden og því var aftur jafnt í liðum. Ekki var meira skorað í leiknum og City-menn tryggðu sér því stigin þrjú.
Manchester City er í toppsætinu með 77 stig, 11 stigum á undan Man. Utd. Aston Villa er í 11. sæti deildarinnar með 44 stig.
Aston Villa 1 – 2 Manchester City
1-0 McGinn (´1)
1-1 Foden (´22)
1-2 Hernández (´40)