Íslenska landsliðið er nú að koma saman í Þýskalandi fyrir fyrstu leikina í undankeppni HM 2022. Íslenska liðið varð fyrir gríðarlegri blóðtöku í dag þegar Gylfi Þór Sigurðsson afboðaði komu sína í landsleikina þrjá sem fram undan eru. Ástæðan er sú að eiginkona Gylfa á von á þeirra fyrsta barni á allra næstu dögum.
Blóðtakan fyrir Ísland er gríðarleg enda Gylfi verið yfirburðar besti leikmaður liðsins í mörg ár. Gylfi hefur verið leiðandi í markaskorun en áður var ljóst að Alfreð Finnbogason yrði fjarverandi.
Arnar Þór Viðarsson er að fara inn í sína fyrstu landsleiki og ljóst er að það gerir verkefni hans mikið mun erfiðara að hafa ekki Gylfa Þór og Alfreð til taks.
Arnar Þór hefur úr 23 leikmönnum að velja og verður fróðlegt að sjá hans fyrsta byrjunarlið á fimmtudag. Hér að neðan má sjá líklegt byrjunarlið liðsins að mati 433.is eins og staðan er í dag.
Arnar og Eiður Smári Guðjohnsen hafa talað opinskátt um að 4-1-4-1 kerfið sé það sem þeir munu líklegast nota.
Líklegt byrjunarlið Íslands gegn Þýskalandi:
Hannes Þór Halldórsson
Alfons Sampsted
Ragnar Sigurðsson
Sverrir Ingi Ingason
Hörður Björgvin Magnússon
Aron Einar Gunnarsson
Jóhann Berg Guðmundsson
Guðlaugur Victor Pálsson
Albert Guðmundsson
Birkir Bjarnason
Jón Daði Böðvarsson
