Fimmtudagur 04.mars 2021
433Sport

Rúrik Gíslason samdi við Viaplay: „Ég tel mig hafa mikið fram að færa“

Hörður Snævar Jónsson
Mánudaginn 22. febrúar 2021 09:36

© 365 ehf / Eyþór Rúrik Gíslason

Ekki missa af Helstu tíðindum dagsins í pósthólfið þitt

Lesa nánar

Fyrrum landsliðsmaður í knattspyrnu, Rúrik Gíslason, sem spilaði 53 landsleiki fyrir Ísland, mun leiða knattspyrnuumfjöllun Viaplay á Íslandi frá tímabilinu 2021/2022.

Viaplay tryggði sér nýlega rétt til að sýna frá Þjóðadeild Evrópu, undankeppni EM karla í knattspyrnu sem og Meistaradeild Evrópu, Evrópudeildina og UEFA Conference League á tímabilinu 2021/22–2023/24 (er deilt með SÝN).

Rúrik lagði skóna á hilluna síðasta haust og hefur síðan þá fundið sér nýja leið í lífinu, fyrir helgi gaf hann út lag og nú hefur hann samið við Viaplay. ,,Þegar NENT Group/Viaplay tryggir sér réttindi til að sýna frá stórum knattspyrnuviðburðum líkt og tilfellið er hér, leggjum við áherslu á að byggja upp öflugt teymi til að leiða umfjöllun um þessa viðburði. Við höfum verið leiðandi í framleiðslu á íþróttaefni á Norðurlöndunum í meira en 20 ár og höfum í hyggju að vera það einnig á Íslandi. Þar sem Rúrik hefur nýlokið ferli sínum sem atvinnumaður í knattspyrnu kemur hann með ferska nálgun á viðfangsefnið, mikla þekkingu og byggir þar að auki á eigin reynslu af því að leika knattspyrnu á hæsta gæðaflokki,“ segir Kim Mikkelsen, yfirmaður íþróttamála hjá NENT.

Kantmaðurinn fyrrverandi lék með íslenska landsliðinu á HM í Rússlandi 2018 og FCK í Meistaradeild Evrópu á tímabilinu 2014/15 og er því að sjálfsögðu mjög spenntur að taka þátt í að færa þessar sömu keppnir heim í stofu til áhorfenda.

,,Síðan ég tók ákvörðun um að leggja skóna á hilluna hef ég verið að leita mér að spennandi og áhugaverðri áskorun. Þegar Viaplay skýrði mér frá framtíðarhugmyndum og plönum varð ég strax til í að taka þátt í þessu verkefni. Ég hlakka mikið til að verða hluti af teymi Viaplay og við ætlum að leggja allt í að færa áhorfendum heimsklassaumfjöllun um fótbolta á Íslandi. Ég tel mig hafa mikið fram að færa með reynslu minni af atvinnumennsku í fótbolta og er spenntur að leggja mitt af mörkum í skemmtilegri, grípandi og áhugaverðri umfjöllun um Meistaradeildina, Evrópudeildina, Conference League sem og leiki íslenska landsliðsins,” segir Rúrik sem lauk ferli sínum sem atvinnumaður í knattspyrnu í árslok 2020 og hafði þá meðal annars leikið fyrir Charlton, FCK og FC Nürnberg.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 18 klukkutímum

Benedikt blöskraði – Tveir tímar af engu: „Þetta eru veikar raddir“

Benedikt blöskraði – Tveir tímar af engu: „Þetta eru veikar raddir“
433Sport
Fyrir 19 klukkutímum

Eiginkona Vardy gjörsamlega brjáluð

Eiginkona Vardy gjörsamlega brjáluð
433Sport
Fyrir 22 klukkutímum

Horfðu á sjónvarpsþátt 433 í heild hérna – Arnar Þór, Aron Jó og Benedikt Bóas voru gestir

Horfðu á sjónvarpsþátt 433 í heild hérna – Arnar Þór, Aron Jó og Benedikt Bóas voru gestir
433Sport
Fyrir 22 klukkutímum

Hausverkur Arnars – Hver verður númer eitt hjá íslenska landsliðinu undir hans stjórn?

Hausverkur Arnars – Hver verður númer eitt hjá íslenska landsliðinu undir hans stjórn?
433Sport
Í gær

Pochettino telur að Mbappé skorti aðeins eitt til þess að verða bestur í heimi

Pochettino telur að Mbappé skorti aðeins eitt til þess að verða bestur í heimi
433Sport
Í gær

Koeman myrkur í máli gagnvart handtökum hjá Barcelona – „Skaðar ímynd félagsins“

Koeman myrkur í máli gagnvart handtökum hjá Barcelona – „Skaðar ímynd félagsins“