Jón Guðni Fjóluson mun á næstu dögum skrifa undir samning við sænska félagið, Hammarby. Frá þessu segja miðlar þar í landi.
Þessi 31 árs gamli varnarmaður lék með Brann í Noregi til skamms tíma á síðast ári, eftir að hafa yfirgefið Krasnodar í Rússlandi.
Jón Guðni þekkir vel til fótboltans í Svíþjóð en hann var í herbúðum Sundsvall frá 2012 til 2015 áður en hann gekk í raðir IFK Norrköping.
Búist er við að Jón Guðni verði kynntur til leiks á næstu dögum en samningar um kaup og kjör er í höfn.
Aron Jóhannsson lék með Hammarby á síðustu leiktíð en íslenski framherjinn ákvað að rifta samningi sínum.
