Eiður Smári Guðjohnsen og Logi Ólafsson eru á góðri vegferð með FH en liðið hefur verið á góðu skriði eftir að þeir félagar tóku við. Þeir félagar tóku við liðinu um miðjan júlí og hafa síðan þá unnið sjö af níu deildarleikjum FH.
Eiður Smári er í sínu fyrsta starfi sem aðalþjálfari og má segja að byrjun hans í starfinu sé draumi líkast. FH er komið í toppbaráttu og er átta stigum á eftir Val. Það sem gerir stöðuna áhugaverða er að FH á leik til góða auk þess sem FH og Valur eiga eftir að mætast tvisvar.
Fyrri leikur liðanna í sumar er á fimmtudag, sigur FH þar gæti setur mótið í nýtt samhengi og verður baráttan um þann stóra ansi áhugaverð.
Eiður og Logi fengu Eggert Gunnþór Jónsson og Ólaf Karl Finsen til FH í félagaskiptaglugganum og hafa þeir báðir styrkt leik liðsins. Eiður og Logi eru með samning út þetta tímabil en það verður að teljast líklegt að FH reyni að framlengja dvöl þeirra í Kaplakrika.
Hér að neðan eru skoðaðir leikir FH með Eið Smára og Loga við stýrið.
Leikir Eiðs Smára og Loga með FH:
KA – (0-0 jafntefli)
Grótta (2-1 sigur)
KR (2-1 sigur)
Stjarnan (2-1 tap)
HK (4-0 sigur)
Breiðablik (3-1 sigur)
Víkingur (1-0 sigur)
Fylkir (4-1 sigur)
9 leikir (7 sigrar – 1 jafntefli – 1 tap) 22 stig af 27 mögulegum
Bikar:
Þór (3-1 sigur)
Stjarnan (3-0 sigur)
2 leiki (2 sigrar)
Evrópa:
Dunajska Streda (2-0 tap)
1 leikur (1 tap)
Í heild
12 leikir (9 sigrar – 1 jafntefli – 2 töp)
