Baldvin Már Borgarsson fullyrðir í hlaðvarpinu Kjaftæðið að Aron Jóhannsson sé hættur í fótbolta.

Valur tilkynnti Aroni í vetur að hans krafta yrði ekki óskað áfram, en hann er þó enn samningsbundinn út komandi tímabil og fær laun frá félaginu.

Aron sagði í samtali við 433.is fyrr í vetur að hann væri að þreifa fyrir sér sem umboðsmaður hjá Stellar.

„Það er staðfest, Aron Jó er hættur í fótbolta. Þetta er auðvitað sorglegt því endirinn er ekki á hans forsendum. Hann ætlar ekki að láta bully-a sig út úr þessum díl. Hann ætlar að láta þá borga upp og er farinn að vinna í umboðsmennsku með Agga og Bjarka og í sjónvarpinu,“ segir Baldvin í Kjaftæðinu.

Aron gekk í raðir Vals fyrir tímabilið 2022 eftir glæstan feril í atvinnumennsku, auk þess sem hann var landsliðsmaður Bandaríkjanna.