Gabriel Martinelli, nýjasta stjarna Arsenal, er opin fyrir því að spila fyrir ítalska landsliðið.
Martinelli er Brasilíumaður en hann hefur enn ekki spilað A-landsleik og er með ítalskt vegabréf.
Framherjinn segir að það sé draumurinn að spila fyrir Brasilíu en útilokar ekki að leika fyrir Ítalíu.
,,Ég er Brasilíumaður og það er draumurinn auðvitað að spila fyrir Brasilíu,“ sagði Martinelli.
,,Það gæti þó gerst að ég spili fyrir Ítalíu, ekkert hefur verið ákveðið. Ég hef ekki fengið símtal frá Brasilíu.“
