Það vakti athygli í gær þegar Romelu Lukaku framherji Inter birtist í viðtali að gagnrýna Manchester United og hvernig félagið kom fram við sig.
Það sem vekur mesta athygli er að viðtalið var tekið í sumar þegar Lukaku var leikmaður Manchester United. ,,Það voru endalaust af sögum, að ég væri að fara og að félagið vildi ekki hafa mig. Það kom ekki neinn út og drap þessar sögur. Þetta voru þrjár eða fjórar vikur, ég beið eftir því að einhver myndi svara. Það gerðist ekki.“
Lukaku fékk nóg af sögum um sjálfan sig og bað um að fara. ,,Ég ræddi við félagið, sagði þeim að það væri betra að ég færi annað. EF félagið vill ekki verja leikmann eftir allar þessar sögusagnir, ég vildi bara heyra að Rom ætti að berjast fyrir sínu sæti.“
Nú hafa ensk blöð greint frá því að Lukaku hafi mætt fjórum kílóum of þungur til æfinga í sumar, Lukaku var sagður of feitur en er ósáttur við það umtal. Hann gat hins vegar ekki mætt í formi til æfinga.
