Kolbeinn Sigþórsson mun ekki bæta markamet íslenska landsliðsins gegn Moldóvu í kvöld.
Kolbeinn var á sínum stað í byurjunarliðinu en hann haltraði af velli þegar um 20 mínútur voru búnar af leiknum.
Það eru slæm tíðindi fyrir okkur og Kolbein en hann hefur ófáum sinnum þurft að glíma við erfið meiðsli á ferlinum.
Viðar Örn Kjartansson kom inná sem varamaður í stað Kolbeins og klárar mögulega leikinn.
Kolbeinn hefur gert 26 mörk fyrir Ísland sem er jafn mikið og goðsögnin Eiður Smári Guðjohnsen.
Í hálfleik gat svo Kolbeinn ekki stigið í löppina, um er að ræða meiðsli á ökkla. Það ætti að koma í ljós á næstu dögum, hveru alvarleg meiðslin eru.
