Óskar Örn Hauksson var að vonum sáttur í kvöld er KR tryggði sér Íslandsmeistaratitilinn árið 2019.
Óskar lék með KR sem vann 1-0 sigur á Val á útivelli og er titillinn þar með tryggður.
,,Við erum búnir að hafa þetta hangandi yfir okkur, öll umræðan og allt þetta. Það er hrikalega gott að klára þetta og hleypa þessu ekki í einhverja vitleysu,“ sagði Óskar.
,,Við höfðum upp á að hlaupa og mér fannst sjást að við vorum tilbúnir í þennan leik. Að skora á 3. mínútur og vera með allan leikinn eftir og vita að það er nóg er tricky staða.“
,,Það gerir þetta ennþá sætara fyrir alla KR-inga. Þetta er næstbesti staðurinn fyrir KR að vinna. Þetta er bara geggjað,“ bætti Óskar við um að fagna á Hlíðarenda.