N’Golo Kante, leikmaður Frakklands, hefur oft spilað betri leiki en í gær er franska liðið vann Króatíu í úrslitum HM.

Kante var tekinn af velli á 55. mínútu leiksins í gær en Steven N’Zonzi tók stöðu hans á miðjunni.

Kante fékk hrós fyrir sína frammistöðu á öllu mótinu en þótti ekki alveg ná sér á strik í gær.

Samkvæmt frönskum miðlum er ástæðan þó einföld en Kante spilaði veikur í leiknum í gær.

Kante var að glíma við magaveikindi í leik gærdagsins og átti í erfiðleikum með að sýna sitt rétta andlit.

Margir héldu að Kante hafi yfirgefið völlinn því hann var á gulu spjaldi en það reyndist ekki rétt.