Liverpool og Manchester United gætu háð harða baráttu í janúar ef marka má ensk blöð í dag.
Þar er sagt að bæði félög hafi áhuga á Aaron Ramsey miðjumanni Arsenal sem er á förum frá félaginu.
Samningur Ramsey rennur út næsta sumar og gæti Arsenal selt hann í janúar frekar en að missa hann frítt nokkrum mánuðum síðar.
Ramsey mun ekki skrifa undir nýjan samning við félagið nema eitthvað mikið breytist en viðræðum hefur verið hætt.
AC Milan, Inter og Juventus hafa áhuga en sagt er að Ramsey vilji helst búa á Englandi.
Ramsey hefur lengi verið á lista United en Arsenal er sagt búast við tilboði frá Manchester United.