Töframaðurinn leitaði á náðir ríkisins til þess að kanna markaðsaðstæður í Bretlandi
Töframaðurinn Einar Mikael Sverrisson fékk 550 þúsund krónur í styrk frá nýsköpunarmiðstöð Íslands til þess að kanna markaðsmöguleika á útrás til Bretlands.
Styrkinn fékk töframaðurinn á síðasta ári. Markmið átaks nýsköpunarmiðstöðvar er fyrir nýsköpunarverkefni og markaðsaðgerðir starfandi frumkvöðla- og nýsköpunarfyrirtækja.
Nýsköpunarmiðstöð Íslands hefur umsjón með umsóknarferlinu fyrir hönd atvinnuvega- og nýsköpunarráðuneytisins.
Sjálfur sagði töframaðurinn í pistli sem Vísir birti á dögunum í tengslum við úthlutanir vegna listamannalauna að hann hefði aldrei þegið slík laun og myndi ekki sækja um styrki á borð við þau.
Orðrétt sagði töframaðurinn: „Síðustu 5 árin hef ég verið einn af afkastamestu listamönnum landsins og hef aldrei þegið listamannalaun og myndi ekki sækja um styrki á borð við þau.“
Styrkurinn er ætlaður fyrirtækjum í hverskyns rekstri, og sem dæmi má nefna að fyrirtæki í sjávarútvegi og tækni fengu einnig styrki til markaðssetningar og markaðsátaka svo fátt eitt sé nefnt.
Þá má geta þess að listamenn eru á meðal þeirra sem fengu styrki, meðal annars tónlistarmaðurinn Barði Jóhannsson í Bang Gang, en styrkinn fékk hann vegna útgáfu plötu sem hann gaf út á heimsvísu.
Ekki náðist í töframanninn þrátt fyrir ítrekaðar tilraunir. Hér fyrir neðan má lesa pistilinn hans í heild sinni.
Hér má nálgast úthlutanir nýsköpunarmiðstöðvar.
(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = „//connect.facebook.net/en_GB/sdk.js#xfbml=1&version=v2.3“; fjs.parentNode.insertBefore(js, fjs);}(document, ‘script’, ‘facebook-jssdk’));
Mér þykir mjög hryggilegt að lesa um rithöfundana sem hafa verið áskrifendur að listamannalaunum síðastliðin 10 ár og…
Posted by Einar Mikael töframaður on Saturday, 16 January 2016