Katar 2-2 Ísland
1-0 Hassan Al-Haydos(3′)
1-1 Ari Freyr Skúlason(29′)
1-2 Kolbeinn Sigþórsson(víti, 56′)
2-2 Boualem Khoukhi(68′)

Íslenska landsliðið gerði jafntefli við Katar í kvöld og náði ekki að vinna sinn fyrsta leik í undir stjórn Erik Hamren.

Um var að ræða vináttuleik sem fór fram í Belgíu en Katar komst yfir með aukaspyrnumarki Hassan Al-Haydos strax á þriðju mínútur.

Ari Freyr Skúlason svaraði fyrir Íslendinga á 29. mínútu og skoraði sjálfur aukaspyrnumark. Spyrna Ara var frábær en markið gæti verið skráð sem sjálfsmark en boltinn fór af markverði Katar og í netið.

Staðan var 1-1 í hálfleik en snemma í þeim síðari fengum við vítaspyrnu. Kolbeinn Sigþórsson steig á punktinn og skoraði sitt fyrsta landsliðsmark í tvö ár.

Katar jafnaði svo metin um 12 mínútum síðar er Boualem Koukhi skoraði með frábæru skoti fyrir utan teig.

Leikurinn fjaraði í raun út eftir jöfnunarmark Katar og lokastaðan 2-2 í Belgíu.