Belgía er komið yfir gegn Íslandi en liðin eigast við í Þjóðadeild UEFA í Brussel þessa stundina.
Íslenska liðið hefur virkað nokkuð sterkt hingað til en það vantar marga af okkar bestu leikmönnum.
Það var framherjinn Michy Batshuayi sem kom Belgum yfir en hann potaði þá knettinum yfir línuna eftir flotta sókn.
Eden Hazard, fyrirliði Belga, átti magnaða sendingu á Thomas Meunier sem gaf boltann á Batshuayi sem skoraði.
Það eru um 20 mínútur eftir af leiknum er þetta er skrifað og á Ísland enn séns á að jafna.