Aron Einar Gunnarsson er að gefa út ævisögu sína um jólin en þar fer hann yfir söguna sína. Hann kveðst vera dauðstressaður í samtali við Stöð2 Sport.

Bókin kemur út á næstu dögum en Aron Einar er óskabarn þjóðarinnar, hann hefur verið fyirrliði karlalandsliðsins síðustu ár.

Þar hefur liðið náð mögnuðum árangri en Aron Einar varð heimsfrægur á EM í Frakklandi þegar hann var fyrirliði landsiðsins, er liðið náði mögnuðum árangri.

„Það er ekki sjálfgefið að komast á tvö stórmót í röð verandi frá Íslandi. Ég er spenntur fyrir þessu en smá stressaður að fólk kynnist persónunni á bak við íþróttamanninn. Þarna sýni ég hvernig áhuga ég hef á fótbolta og öðrum hlutum. Ég er stressaðari fyrir þessu en að spila fyrir framan 80.000 manns á móti Frakklandi. Það hef ég gert alla ævi. Þetta er öðruvísi hlið á sjálfum mér,“ sagði Aron Einar við Stöð2 Sport.