Ragnar Sigurðsson, leikmaður íslenska landsliðsins, var svekktur í kvöld eftir 2-1 tap gegn Sviss í Þjóðadeildinni.
Raggi segir að Ísland hafi verið óheppið í leik kvöldsins og segir að liðið hafi átt meira skilið.
,,Við byrjuðum leikinn illa, fyrstu tíu kannski en svo er þetta jafn leikur,“ sagði Raggi eftir leikinn.
,,Fyrsta markið kemur upp úr engu finnst mér og skora þeir annað ódýrt mark og við vorum óheppnir að jafna ekki í endann.“
,,Við fengum fullt af færum og markmaðurinn þeirra var að verja. Smá óheppni.“
,,Síðustu tveir leikir hafa verið nokkuð góðir og við áttum skilið meira úr þeim báðum. Þetta er eitthvað til að byggja á, þó við séum pirraðir núna er margt jákvætt í þessu.“