Alfreð Finnbogason skoraði eina mark Íslands í kvöld í 2-1 tapi gegn Sviss í Þjóðadeildinni.

Alfreð fékk fleiri færi til að skora og hrósaði markmanni Sviss fyrir að verja skalla frá sér fyrr í leiknum.

,,Þetta var eins og við viljum vera að spila, síðustu tíu mínúturnar. Við settum þá undir pressu og komum boltanum í boxið,“ sagði Alfreð.

,,Þetta minnti á Finnaleikinn hér um árið þar sem við lögðum allt í sölurnar. Svekkjandi að við byrjum ekki á því fyrr því fram að því fengum við engin stór færi.“

,,Hann var að koma út í boltann en gerir þetta helvíti vel kallinn að verja þetta. Ég hitti hann kannski alveg eins vel með kollinum og ég ætlaði.“

,,Ég held að þetta sé mjög líklega fallegasta markið á ferlinum. Maður er ekki þekktur fyrir þessar sleggjur. Það er gaman að geta sýnt það að maður getur þetta líka.“

,,Þetta er frábær spurning. Ég man eftir markinu gegn Tyrkjum fyrir utan teig en annars er ég ekki með tölfræðina, ég þarf að leita eitthvað aftur í dagatalið.“

,,Töluvert, það er klárt! Fáránleg spurning,“ sagði Alfreð svo léttur um hvort mark hans væri fallegra en það sem Jóhann Berg Guðmundsson skoraði gegn Sviss um árið.