Laurent Koscielny, leikmaður Arsenal á Englandi, hefur ákveðið að leggja landsliðsskóna á hilluna.
Koscielny staðfesti þetta í dag en hann á að baki 51 landsleik fyrir Frakkland en missti af HM í sumar.
Koscielny hefur verið að glíma við meiðsli en hann er 33 ára gamall í dag og mun ekki spila fleiri landsleiki.
Hann ákvað að skjóta aðeins á Didier Deschamps, landsliðsþjálfara Frakka, áður en hann greindi frá fréttunum.
,,Deschamps hefur hringt einu sinni í mig og það var þegar ég átti afmæli í september. Fyrir utan það, aldrei,“ sagði Koscielny.
,,Það er mikið af fólki sem hefur valdið mér vonbrigðum. Ekki bara þjálfarinn. Þetta er eins og að fá högg aftan í hnakkann.“
,,Ég hef gefið allt sem ég get til franska landsliðsins. Ég er 33 ára gamall og hef spilað á tveimur EM og einu HM.“
,,Frakkland er með frábæra kynslóð af leikmönnum. Meiðslin hafa ekki áhrif á ákvörunina. Ég er búinn með landsliðinu.“
