Íslenska karlalandsliðið náði í frábær úrslit á fimmtudaginn er liðið heimsótti heimsmeistara Frakklands.
Um var að ræða vináttuleik sem fór fram í Guingamp en Ísland komst óvænt í 2-0 gegn sterku liði heimamanna.
Því miður var það ekki nóg að lokum en Frökkum tókst að skora tvö mörk undir lokin og lauk leiknum með 2-2 jafntefli.
Margar stjörnur Frakklands spiluðu í leiknum og þar á meðal Kylian Mbappe sem kom inná í síðari hálfleik og gerði gæfumuninn.
Stjörnur Frakka skelltu sér til Parísar eftir leikinn og heimsótti Disneyland eftir jafnteflið við Ísland.
Þeir Paul Pogba, Mbappe, Ousmane Dembele og Antoine Griezmann heimsóttu Disneyland og slökuðu á eftir leikinn.
Mynd af þeim félögum í skemmtigarðinum má sjá hér fyrir neðan.