Jamie Carragher, fyrrum leikmaður Liverpool, var ekki of hrifinn af liðinu í dag sem mætti Manchester City.
Carragher ræddi sérstaklega um miðju Liverpool þar sem þeir Georginio Wijnaldum, Jordan Henderson og James Milner léku.
Milner entist að vísu ekki lengi í leiknum en hann fór meiddur af velli fyrir Naby Keita í fyrri hálfleik.
Carragher vill meina að allir miðjumenn Liverpool séu mjög svipaðir og að það sé vandamál fyrir liðið.
Carragher nefndi að Liverpool vantaði leikmann eins og David Silva sem býr til mikið á miðju Manchester City.
Liverpool fékk tvo miðjumenn til sín í sumar þá Keita og Fabinho sem hefur fengið lítið að spila.
