Verðlaunaafhending FIFA fer fram í kvöld og kemur í ljós hvaða leikmaður verður valinn besti leikmaður heims.

Þrír leikmenn koma til greina, þeir Mohamed Salah hjá Liverpool, Cristiano Ronaldo hjá Juventus og Luka Modric hjá Real Madrid.

Salah og Modric létu báðir sjá sig í kvöld en Ronaldo ákvað að vera um kyrrt á Ítalíu.

Það eru þó margar goðsagnir sem létu sjá sig í kvöld en FIFA sér vel um þá sem kjósa að mæta á afhendinguna.

Ronaldinho, Cafu, Didier Drogba og Luis Ronaldo eru á meðal þeirra sem mættu sem og þjálfarar á borð við Didier Deschamps og Zinedine Zidane sem koma til greina sem þjálfarar ársins.

Einnig má sjá hinn heimsfræga leikara Sir Patrick Stewart á teppinu og tónlistarmanninn Noel Gallagher sem var í hljómsveitinni Oasis.

Hér má sjá myndir af nokkrum góðum sem mættu til leiks.