Englendingurinn og knattspyrnuþjálfarinn Gregg Ryder sem lengi vel þjálfaði Þrótt í Reykjavík er bjartsýnn á að lið Englands geti farið alla leið á heimsmeistaramótinu í Rússlandi sem stendur nú sem hæst. Hann segir liði vera heilsteyptasta enska landslið sögunnar en í á eru liðin 50 ár eru liðin frá því Englendingar unnu síðast heimsmeistaratitlinum. Sá titill vanst á mótinu sem haldið var í Englandi árið 1966.
Eins og flestir vita er enska liðið er komið í 4-liða úrslit mótsins eftir frækinn sigur á Svíum í 8-liða úrslitum um helgina. England þurfti vítakeppni til að slá Kólumbíu 16-liða úrslitum en sigraði Svía nokkuð örugglega í 8-liða.
Gregg sem fylgst hefur grannt með sínum mönnum á mótinu segir sigurinn gegn Kólumbíu gefa liðinu mikið. „Það er ekki bara sigurinn sem gefur liðinu mikið heldur það hvernig hann var. Það að vinna í vítaspyrnukeppni og aflétta þessari bölvun er eitthvað sem mun skapa óbilandi trú í liðinu. Ég held sigur í vítaspyrnukeppni hafi gefið enska liðinu mikið meira heldur en ef liðið hefði unnið leikinn 1-0 sigur í venjulegum leiktíma,“ segir Gregg.
Eftir að velgengni liðsins hófst fyrir alvöru fóru margir Englendingar og stuðningsmenn enska landsliðsins á flug. Myllumerkið #ItsComingHome varð vinsælt með aðdáenda á Twitter eftir að leik lauk en það er vísun frægt lag sem kom út árið 1998. Margir veltir þvi eflaust fyrir sér hvað verið sé Englendingar eru oft bjartsýnir fyrir stórmót og vilja oftar en ekki meina að fótboltinn sé nú loksins að koma heim. Íþróttin var einmitt fundinn upp á Englandi og er því talað um í laginu að knattspyrnan sé á heimleið.
Gregg tekur undir með þeim allra bjartsýnustu og segir fótboltann vel geta komið heim. „Eftir þennan sigur á Kólumbíu held ég að fótboltinn sé loksins að koma heim,“ segir Gregg.
England hefur aðeins tapað einum leik á mótinu til þessa en sá ósigur kom á móti Belgíu í lokaleik riðlakeppninnar. Gregg segir enska liðið hafa tapað þeim leik viljandi. „Það tap var ákveðið. Þjálfari liðsins, Gareth Southgate tók mjög djarfa ákvörðun en með tapinu var ljóst að leiðin í úrslitin yrði léttari heldur en leið Belga sem vann riðilinn með sigrinum. Roy Hodgson gerði reyndar það sama á EM í Frakkland til þess að fá Ísland. Við vitum öll hvernig það fór,“ segir Gregg og hlær.
England leikur gegn Króatíu í 4-liða úrslitum mótsins á miðvikudaginn. Takist þeim að vinna þann leik þá mæta þeir sigurvegaranum úr viðureign Belgíu og Frakklands en sá leikur verður leikinn á þriðjudag. Úrslitaleikur mótsins verður svo í Moskvu þann 15. júlí.
