fbpx
Laugardagur 21.september 2019  |

Pólitískar jarðhræringar í Eyjum

Ritstjórn Pressunnar
Mánudaginn 18. júní 2018 15:25

Ekki missa af Helstu tíðindum dagsins í pósthólfið þitt

Lesa nánar

Einn glæsilegasta kosningasigur seinni ára í sveitarstjórnarmálum vann Elliði Vignisson og áhöfn hans 2014. Fékk D-listinn alls um 75% atkvæða í Vestmannaeyjum,sem er fáheyrt. Bjarni Benediksson formaður Sjálfstæðisflokksins sendi Elliða í kjölfarið enda eftirminnilegt sms skeyti, sem ekki verður endurtekið hér.

Einn glæsilegasti prófkjörssigur seinni ára vannst þegar Páll Magnússon varð efstur í prófkjöri Sjálfstæðismanna í Suðurkjördæmi og hafði betur en m.a. sitjandi ráðherra Ragnheiður Elín Árnadóttir.

Eftir kosningar 2014 hóf Elliði sitt þriðja kjörtímabil sem bæjarstjóri og allt virtist ganga honum í haginn. Orðrómur heyrðist hinsvegar um að hann þætti orðið nokkuð einráður og óráðþæginn og hlustaði aðeins á sinn harðasta kjarna.

Hópur sjálfstæðismanna gerði kröfu um að viðhaft yrði prófkjör til að stilla upp á lista flokksins og lýsti m.a. Páll Magnússon yfir stuðningi við þá aðferð. Elliði og hans fólk lét líklega með þessa aðferð, en á fundi sem stuðningsmenn Elliða fjölmenntu (smöluðu) á var prófkjöri óvænt hafnað og voru greinilega maðkar í mysunni.

Kom þetta prófkjörsáhugamönnum mjög á óvart og þóttust þeir illa sviknir.

Enginn vafi getur leikið á því að Elliði hefði fengið glansandi fínan stuðning í prófkjöri, en líklegt er að vinir hans hefðu ekki fengið jafngóðan stuðning og fólk utan nánustu klíku Elliða komist ofarlega á listann.

Það er illskiljanlegt að Elliði skyldi ekki fallast á prófkjör, en það er gömul saga og ný að pólitísk yfirburðastaða ruglar menn í ríminu.

Prófkjörsfólk ákvað að bjóða fram sérlista í Eyjum og fékk listinn afar góða kosningu. Samanlagt fylgi beggja listanna var nánast það sama og D listinn hafði einn fengið áður. Elliði og hans fólk tók úrslitunum illa og höfðu ekki áhuga á meirihlutamyndun og ekki var um annað að ræða fyrir klofningslistann að leita til vinstri. Með öllu er óvíst að þau hafi verið óánægð með þá niðurstöðu.

Efsti maður listans Íris Róbertsdóttir verður bæjarstjóri næstu fögur árin og hefur því sjálfstæðismaður áfram lyklana að ráðhúsinu í Eyjum.

Nú hafa Elliði og kompaní ákveðið að hengja Pál þingmann fyrir eigin aulagang, Hyggjast þeir biðja formann flokksins Bjarna um að hirta Pál og víst er að Bjarni gæti vel hugsað sér að losna við hann, en stirt hefur verið á milli þeirra. Vandi Bjarna er hinsvegar sá að Páll nýtur mikilla vinsælda og álits um allt kjördæmið og hann er enginn veifiskati og mun örugglega taka fast á móti, verði að honum sótt. Mun hann reynast harðari undir tönn ,en sumir hyggja. Klofningurinn gæti auðveldlega náð um allt kjördæmið,en ekki bara til Eyja.

Hefði ekki verið einfaldara að hafa bara prófkjör? Ætli þessi afleikur Elliða muni fylgja honum alla tíð?

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Logi skilinn

Ekki missa af

433
Fyrir 7 klukkutímum

Guardiola: Liverpool er besta lið sem ég hef mætt

Guardiola: Liverpool er besta lið sem ég hef mætt
Eyjan
Fyrir 7 klukkutímum

Ferð um Norðausturland: Drottning fjallanna, gröf Fjallaskáldsins, flugnager og flottasta altaristaflan

Ferð um Norðausturland: Drottning fjallanna, gröf Fjallaskáldsins, flugnager og flottasta altaristaflan
Eyjan
Fyrir 8 klukkutímum

Vissir þú þetta um fjárlagafrumvarpið ? „Þarna birtist pólitíkin grímulaust – sem mér finnst að fólk eigi að vita af“

Vissir þú þetta um fjárlagafrumvarpið ? „Þarna birtist pólitíkin grímulaust – sem mér finnst að fólk eigi að vita af“
433Sport
Fyrir 8 klukkutímum

Sjáðu myndina: Navas blikkaði til Courtois sem fékk þrjú mörk á sig

Sjáðu myndina: Navas blikkaði til Courtois sem fékk þrjú mörk á sig
Fókus
Fyrir 9 klukkutímum

Mættu í núið og styrktu gott málefni í leiðinni: Jógapartí í Hörpu

Mættu í núið og styrktu gott málefni í leiðinni: Jógapartí í Hörpu
433
Fyrir 9 klukkutímum

Mourinho segir að Sanchez hafi verið leiður

Mourinho segir að Sanchez hafi verið leiður
Fréttir
Fyrir 10 klukkutímum

Helgi Hrafn hjólar í Sigmund: „Hann velur alltaf þægilegu, einföldu og óábyrgu leiðina til að afla sjálfum sér vinsælda“

Helgi Hrafn hjólar í Sigmund: „Hann velur alltaf þægilegu, einföldu og óábyrgu leiðina til að afla sjálfum sér vinsælda“