Úr urðu langar bílalestir og algjört öngþveiti sums staðar þegar fjöldi mikilvægra og fjölfarinnar vega virtust skyndilega vera lokaðir.
En svo var ekki að sögn The Guardian sem segir að um risastór og dularfull mistök hafi verið að ræða hjá Google Maps.
Kortið var þakið litlum rauðum stöðvunarmerkjum sem gefa til kynna að vegur sé lokaður af einhverjum orsökum. Þetta átti við um vegi nærri borgum á borð við Berlín, Frankfurt og Hamborg. Þetta náði einnig til hraðbrauta um allt land og vandinn teygði sig meira að segja til nágrannaríkjanna Belgíu og Hollands.
Þetta hafði þau áhrif að margir, ringlaðir ökumenn, leituðu út á fáfarna vegi þar sem raðir mynduðust fljótlega.
Aðrar leiðarþjónustur virkuðu eðlilega en það skapaði einnig ákveðinn rugling því fólk vissi bara ekki hverju það átti að trúa.
