Spænskir fornleifafræðingar hafa fundið steinristu sem er talin sú elsta sem fundist hefur til þessa. Hún er líklega um 200.000 ára gömul og fundur hennar gæti orðið til þess að gjörbylta þekkingu okkar á tilvist manna í Evrópu.

Fornleifafræðingar tilkynntu um þessa merku uppgötvun en um einfalt „X“ er að ræða sem hefur verið rist á stein. Steinristan fannst við uppgröft í Cota Correa í Las Shapas í Marbella.

Áður höfðu sum af elstu steinverkfærunum, sem fundist hafa í Evrópu, fundist á þessum stað.

Steinblokkin, sem „X“ er rist á fannst 2022. Ristan staðfestir að fólk var í suðurhluta Spánar snemma á Mið-Steinöld. Aldrei fyrr hafa fundist ummerki um tilvist fólks á þessu svæði á þessum tíma.

The Independent segir að vísindamenn telji að ristan geti einnig verið sú elsta sem vitað er um að menn hafi gert.