Flestir hafa eflaust upplifað að ganga út úr herbergi og að hafa um leið hugsað hvort þeir eigi að slökkva ljósið eða láta það bara loga, sérstaklega ef þeir ætla að koma aftur í herbergið innan skamms.

Hvað er besta að gera út frá orkusparnaðarsjónarmiði?

Veli-Matti Virtanen, orkuráðgjafi, segir að það sé góð þumalfingurregla að slökkva ljósið ef þú yfirgefur herbergið lengur en í fimm mínútur. Ástæðan er að LED-perur nota svo lítið rafmagn, þegar kveikt er á þeim, að það borgar sig alltaf að slökkva á þeim, meira að segja fyrir mjög stuttan tíma.

Með tilkomu LED-peranna varð enn hagkvæmara að slökkva ljósið þegar ekki er þörf fyrir það. LED-perur nota miklu minna rafmagn en gömlu glóðarperurnar og það hefur næstum engin áhrif á þær þegar slökkt eða kveikt er á þeim.

Það er líka hægt að spara rafmagn á annan hátt en að slökkva ljósið. Það er til dæmis hægt að nota ljósdeyfa, tímastillingar og hreyfiskynjara. Þetta tryggir að ljósið er bara kveikt þegar þörf er á.

Síðan er hægt að skipta gömlum perum út með LED-perum sem nota miklu minna rafmagn og endast lengur.

Það er líka hægt að spara rafmagn með því að slökkva alveg á rafmagnstækjum á borð við tölvur og sjónvörp því þau eyða rafmagni þegar þau eru á „stand by“.