250 milljónir býflugna sluppu úr flutningabíl sem valt á þjóðvegi í Washington ríki í Bandaríkjunum á föstudaginn. Óhappið átti sér stað nærri Lynden, sem er nærri kanadísku landamærunum, þegar bílstjórinn misreiknaði sig í beygju.

Lögreglan sendi strax út aðvörun og varaði fólk við að koma nærri vettvangi þar sem á þriðja hundrað milljónir býflugna væru á sveimi.

Býflugur eru mikilvægar fyrir bandaríska matvælaiðnaðinn og eru oft fluttar á milli staða til að sjá um frjóvgun á ökrum landsins.

Fjöldi býflugnabænda kom á vettvang til að aðstoða viðbragðsaðila við að fanga býflugurnar og koma þeim aftur í bú þeirra.

Lögreglan segir að tekist hafi að bjarga miklum fjölda býflugna en þó ekki öllum.

Um hunangsflugur er að ræða en þær eru ekki „eðlilegur“ hluti af bandarísku dýralífi en gegna samt sem áður mjög mikilvægu hlutverki við frjóvgun á ökrum landsins að sögn Sky News.