Kvöldmaturinn er miðpunktur, eða kannski hápunktur, dagsins hjá mörgum. Fjölskylda og vinir safnast þá saman við matarborðið, verkefnum dagsins lýkur og máltíðin markar upphaf rólegs kvölds.

En kemur það þér á óvart að sérfræðingar segja að það skipti máli fyrir heilsu okkar og svefn hvenær við borðum kvöldmatinn?

Sérfræðingarnir ráðleggja fólki að borða snemma og ljúka máltíðinni að minnsta kosti þremur klukkustundum fyrir háttatíma.

Valter Longo, forstjóri Longevity Institute við University of Southern Californa, segir að ef kvöldmaturinn er borðaður seint, þá geti það truflað dægurrytma líkamans og þar með haft áhrif á svefninn og hitaeiningabrennsluna. GQ Magazine skýrir frá þessu.

Þegar þú borðar seint að deginum, sendir þú líkamanum skilaboð um að vera virkur áfram. Þetta getur gert þér erfiðara fyrir við að sofna og dregur úr getu líkamans til að brenna hitaeiningum á áhrifaríkan hátt.

Föstutíminn á milli hádegisverðarins og kvöldverðarins gegnir lykilhlutverki í fitubrennslu. Adam Collins, lektor í næringarfræði við University of Surrey, ráðleggur fólki að láta 12 klukkustundir líða á milli fyrstu og síðustu máltíðar dagsins.

Hann segir að líkaminn ráði betur við mat snemma dags en það styrkir kenninguna um að það sé gott að borða stóran morgunmat og léttan hádegisverð.