Nemandi sem skaut móður sína og tvö systkini til bana á heimili fjölskyldunnar hefur játað á sig sök. Nicholas Prosper, 19 ára gamall, átti að fara fyrir rétt í næstu viku, sakaður um að hafa myrt móður sína Juliönu, 48 ára, systur Giselle, 13 ára, og bróður Kyle, 16 ára, þann 13. september í fyrra.
Prosper hafði áður neitað sök, en játaði í sex mínútna yfirheyrslu í Luton Crown Court síðdegis í gær. Mun hann fá dóm í næstu viku.
Hann viðurkenndi einnig að hafa keypt skotvopn, 12 bolta Nikko haglabyssu, daginn fyrir morðin. Og hann játaði sig sekan um að hafa átt skotvopn í þeim tilgangi að stofna lífi í hættu, auk þess að vera með eldhúshníf þegar lögreglan handtók stuttu eftir atvikið.
Prosper hefur setið í gæsluvarðhaldi frá handtöku og mun dómur verða kveðinn upp á miðvikudag/fimmtudag í næstu viku. Engir fjölskyldumeðlimir hans voru viðstaddir í dómsal í gær.
Nágrannar sögðu að Prosper hafi eytt svo miklum tíma á netinu í herbergi sínu að þeir sem bjuggu fyrir neðan hann fjölbýlishúsinu þar sem fjölskyldan bjó höfðu ekki hugmynd um tilvist hans, þrátt fyrir að vera málkunnug móður hans og systkinum.
Fjölskyldan bjó í íbúð á áttundu hæð í Leabank Tower, sem eru þrjár blokkir, vinsælar hjá ungum fjölskyldum rétt fyrir utan miðbæ Luton í Bretlandi. Luton er borg í Bedfordshire, 50 kílómetrum norðvestur af London.
Grazyna Karwecka, sem bjó fyrir ofan Prosper og fjölskyldu hans, sagðist hafa haldið að hún heyrði konu öskra, fylgt eftir af byssuskoti og síðan önnur hávær hljóð.
„Þetta hljómaði eins og byssa. Klukkan var kannski um 5.15 að morgni og allt með kyrrum kjörum, ég var á baðherberginu mínu að farða mig. Skyndilega heyri ég öskur – kvenmannsöskur. Ekkert annað. Það var mjög skrítið, sérstaklega á þessum tíma dags. Það varð þögn. Svo heyri ég einhver húsgögn detta eða eitthvað álíka, í kannski tíu sekúndur. Þá ekkert. Ég heyrði skot í byssu fyrir öskrið – ég held að þetta hafi verið kona.“
Juliana, sem var þekkt undir eftirnafninu Falcon, flutti til Bretlands fyrir um 30 árum frá Argentínu. „Hún var ofurgreind kona og hún var góð móðir við börnin sín, svo ég finn enga huggun eða skýringu á því sem gerðist,“ sagði fjölskylduvinur eftir morðin í fyrra.
„Með hrollvekjandi ofbeldisverki myrti Prosper nánustu fjölskyldu sína með haglabyssu sem hann fékk án leyfis og með skýran ásetning um að drepa. Við unnum vandlega með helstu glæpadeildum Bedfordshire, Cambridgeshire og Hertfordshire að því að byggja upp sterk mál gegn Prosper og vonum að játning hans í dag veiti réttlætiskennd fyrir samfélag sem skiljanlega er hrakið af þessum alvarlegu glæpum. Verk Prosper verða ljós þegar hann verður dæmdur og hann getur búist við að dvelja mjög langan tíma bak við lás og slá,“ sagði Chris Derrick, aðstoðarsaksóknari
„Í dag er hugur okkar hjá Juliana, Kyle og Giselle, en lífi þeirra var stolið í kaldrifjaðri árás. Við vonum að játningin í dag veiti þeim sem elskuðu og þótti vænt um þau einhverja huggun í þeirra mikla missi.“
