Það getur verið hættulegt að fara í kynlífsklúbb og er þá ekki bara hætt við að fólk smitist af kynsjúkdómum eða verði fyrir meiðslum við kynlífsiðkun.

Þetta getur bresk kona borið vitni um en hún lamaðist þegar hún hoppaði út í sundlaug í kynlífsklúbbi í Blackpool. Hún var drukkin þegar þetta gerðist.

Mirror segir að konan hafi nú höfðað mál á hendur breska heilbrigðiskerfinu og krefjist milljóna punda í bætur vegna þess að hún hafi ekki hlotið rétta meðhöndlun í kjölfar slyssins.

Slysið átti sér stað 2021 þegar konan stakk sér ofan í innanhússlaug í kynlífsklúbbnum. Höfuð hennar lenti í botninum og hálsbrotnaði hún og hlaut varanlegan skaða á hryggjarsúlunni.

Konan segir að aðgerðir viðbragðsaðila á vettvangi hafi aðeins orðið til þess að gera ástand hennar verra.

Hún lá á sjúkrahúsi í sex mánuði. Meiðsli hennar eru svo alvarlega að hún hefur verið úrskurðuð óvinnufær það sem hún á eftir ólifað.

Hún krefst 10 milljóna punda, það svarar til um 1,7 milljarða íslenskra króna, í bætur frá breska heilbrigðiskerfinu NHS. Hún heldur því fram að vegna rangrar meðferðar á slysstað hafi meiðsli hennar orðið mun alvarlegri en ella og valdi því að hún geti aldrei aftur gengið.