fbpx
Föstudagur 12.apríl 2024
Pressan

Prestur skotmark mafíunnar

Ritstjórn Pressunnar
Þriðjudaginn 27. febrúar 2024 15:33

Frá Calabria héraði. Myndin tengist fréttinni ekki beint. Wikimedia Commons/Leandro Neumann Ciuffo

Ekki missa af Helstu tíðindum dagsins í pósthólfið þitt

Lesa nánar

Ítalskur prestur er orðinn að skotmarki mafíunnar þar í landi. Síðastliðinn laugardag var hann einu sinni sem oftar að messa og fann þá klórlykt úr kaleik sem hann var í þann mund að fara að drekka úr. Virðist hann því hafa sloppið naumlega undan eitrun. Er mafían sögð hafa prestinn í sigtinu vegna baráttu hans gegn glæpum í sókninni.

Presturinn heitir Felice Palamara og var að messa í kirkju í smábænum Cessaniti í Calabria héraði, sunnarlega á Ítalíu.

Talið er víst að mafían hafi hellt klórnum í kaleikinn að minnsta kosti til að ógna prestinum sem sleit messunni um leið og hann gerði sér grein fyrir hvernig var í pottinn eða réttara sagt kaleikinn búið.

Sky News greinir frá málinu og þar kemur fram að séra Palamara hafi talað opinberlega um mikilvægi þess að stemma stigu við glæpum á svæðinu. Hann segir að hann hafi áður fengið hótanir, meðal annars morðhótanir í pósti, og að unnin hafi verið skemmdarverk á bílnum hans tvisvar.

Kærleikurinn eina hefndin

Að kvöldi laugardagsins skrifaði séra Palamara á samfélagsmiðla að kærleikurinn væri hans eina hefnd. Biskup biskupdæmisins sem söfnuðurinn heyrir undir segir að íbúar biskupdæmisins séu að upplifa þjáningar vegna ógnana sem eigi ekkert skylt við venjulegt kristilegt líf.

Biskupinn, Attilio Nostro, hvatti hið kristna samfélag til að láta ekki hugfallast vegna hótana og ógnana. Hann segir lausnina ekki vera að svara hatri með hatri.

Þegar í stað var tilkynnt um efnið í kaleiknum til lögreglunnar sem rannsakar nú upptökur úr öryggismyndavélum til að reyna að bera kennsl á þá seku.

Efnagreining hefur leitt í ljós að sannarlega hafði klór verið hellt í kaleikinn sem presturinn var næstum búinn að drekka úr.

Séra Calamara segist vera rólegur þrátt fyrir allt. Þótt hann vonist eins og góðum presti sæmir eftir því að fyrirgefning og miskunn muni hafa sitt að segja í málinu vonast hann einnig til þess að réttlætið muni varpa skýrara ljósi á þetta glæpsamlega athæfi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Setti upp falda myndavél til að sanna að konan væri „löt og einskis virði“ – Heimtaði skilnað og vorkunn en málið snerist í höndunum á henni

Setti upp falda myndavél til að sanna að konan væri „löt og einskis virði“ – Heimtaði skilnað og vorkunn en málið snerist í höndunum á henni
Pressan
Fyrir 3 dögum

Berfætt par í skeiðarstellingu hneykslaði flugfarþega

Berfætt par í skeiðarstellingu hneykslaði flugfarþega
Pressan
Fyrir 3 dögum

Sorgleg ástæða þess að 7 ára stúlka safnaði 1,4 milljón með því að selja límonaði – „Þetta er að hjálpa henni í gegnum þetta“

Sorgleg ástæða þess að 7 ára stúlka safnaði 1,4 milljón með því að selja límonaði – „Þetta er að hjálpa henni í gegnum þetta“
Pressan
Fyrir 3 dögum

Ófremdarástand á bókasöfnum og bókasafnsverðir eru komir með upp í kok af stjórnlausu saurlífi og ólifnaði

Ófremdarástand á bókasöfnum og bókasafnsverðir eru komir með upp í kok af stjórnlausu saurlífi og ólifnaði
Pressan
Fyrir 5 dögum

Dönsk yfirvöld búa sig undir næsta heimsfaraldur og auka viðbúnað sinn

Dönsk yfirvöld búa sig undir næsta heimsfaraldur og auka viðbúnað sinn
Pressan
Fyrir 5 dögum

Segja um tímamót að ræða – Bóluefni gegn lungnakrabbameini er í þróun

Segja um tímamót að ræða – Bóluefni gegn lungnakrabbameini er í þróun