Ástæðuna má rekja til þess að vegna áhrifa þyngdaraflsins þá getur blóðið safnast fyrir í æðunum í neðri hluta líkamans.
Yfirleitt getur líkaminn brugðist við með hröðum viðbrögðum sem koma í veg fyrir lækkaðan blóðþrýsting en ef einhver að þessum viðbrögðum koma of seint eða virka ekki rétt, fellur blóðþrýstingurinn í heilanum og það veldur svima.
Til að koma í veg fyrir svima þarf að sýna varkárni og ekki skipta hratt um stellingu. Þetta á við þegar þú beygir þig niður og stendur upp eða þegar þú stendur upp úr sitjandi stellingu.
Ef sviminn er svo alvarlegur að þér finnst eins og það sé að líða yfir þig eða þá að sviminn hverfur ekki hratt, þá skaltu setjast eða leggjast niður samstundis.
Það er sérstaklega mikilvægt að sýna aðgæslu þegar farið er fram úr rúminu. Sittu á sængurkantinum í nokkrar sekúndur áður en þú stendur upp og bíddu í nokkrar í viðbót áður en þú ferð að ganga. Þetta er til að líkaminn hafi tíma til að bregðast við.
Farðu líka varlega á morgnana eða eftir hafa legið í langan tíma og þú stendur upp um miðja nótt til að fara á klósettið. Einnig eftir stórar máltíðir eða heitt bað.
En það eru fleiri atriði sem geta haft áhrif á blóðþrýstinginn þegar þú stendur upp. Til dæmis aldur, lyf, heilsufarsvandamál, vökvaskortur og jafnvel skortur á líkamsþjálfun geta tengst svima. Ef þetta gerist oft, þá skaltu leita til læknis.
