Yfirvöld sögðu að þetta hafi verið erfitt ár fyrir spænsku tröppurnar í Róm. Tveir bandarískir ferðamenn ollu skemmdum að 3,5 milljónum íslenskra króna með því að ýta og draga rafskútur niður þær, samkvæmt Business Insider.
Parið grunaða, 29 ára karl og 28 ára kona, sáust á marmaratröppunum árla dags 3. júní. Myndband sýnir konuna ýta skútunni niður 300 ára gömlu tröppurnar sem voru gerðar upp árið 2016.
Þau hlutu bæði sekt upp á tæpar 60 þúsund krónur og yfirvöld segja að konan standi einnig frammi fyrir ákæru fyrir skemmdarverk á mannvirki sem felur í sér hámarksrefsingu um ár í fangelsi eða sekt upp á um 260 þúsund krónur. Yfirvöld sögðu að ferðamennirnir hefðu verið „sótölvaðir“ og búið er að banna þau bæði frá tröppunum í hálft ár.
Menningararfleiðarstofnun Rómar sagði að rafskúturnar skröpuðu tröppurnar og skildu eftir sig rákir. Einnig brotnuðu af tíu sentimetrar af marmara.
