„Við látum ekki stjórnmálamenn í Washington stýra lífi okkar lengur. Við unnum kosningarnar. Við sigruðum með miklum mun. Við getum ekki látið þá komast upp með þetta,“ sagði hann meðal annars.
Trump hefur ítrekað haldið því fram að víðtækt kosningasvindl hafi átt sér stað en því hafa dómstólar vísað á bug sem og kjörstjórnir víða um Bandaríkin. En hann virðist eiga erfitt með að sætta sig við að hafa tapað og heldur því lygum sínum áfram.
AFP segir að margir stuðningsmanna hans hafi komið langt að til að hlusta á forsetann fyrrverandi. Einn þeirra sem mættu á fundinn var Jonathan Riches sem sagði að hátíðarstemmning ríkti. „Þetta er næstum eins og Maga (Make America Great Again, innsk. blaðamanns). Hér eru föðurlandsvinir alls staðar af að landinu komnir saman með hagsmuni landsins að leiðarljósi. Við elskum forsetann okkar,“ sagði hann.
Jennifer Winterbauer, stóð fremst, og sagðist vera kominn til að heyra „Trump segja sannleikann.“
„Hann segir alltaf satt um allt. Efnahaginn, stöðu heimsmála, Bandaríkin,“ sagði hún.
