Eftir að hún var lögð inn á sjúkrahúsið hélt heilsu hennar áfram að hraka og þann 16. nóvember var hún flutt á gjörgæsludeild og lögð í dá.
Hún vaknaði upp af dáinu þann 14. desember eftir að hafa verið gefið Viagra sem er venjulega notað til að takast á við stinningarvanda hjá körlum. Það var þrautaúrræði hjá læknunum að gefa henni Viagra en aðeins 72 klukkustundum áður en Monica vaknaði upp af dáinu höfðu læknarnir ákveðið að slökkva á öndunarvél hennar en ákváðu að prófa að gefa henni Viagra áður.
Áður en hún var lögð í dá hafði hún fallist á að taka þátt í tilraun með Viagra. MailOnline skýrir frá þessu.
Monica hafði misst bragð- og lyktarskyn og átti erfitt með andardrátt og hóstaði upp blóði. Foreldrar hennar óttuðust að hinsta stund hennar væri runnin upp og flýttu sér til Englands frá Portúgal til að hitta hana.
Með því að gefa henni Viagra tókst læknum að auðvelda henni að draga andann. Lyfið slakaði á æðunum og þær opnuðust betur og blóðflæðið jókst sem aftur varð til þess að öndunarvegirnir opnuðust betur og bættu súrefnisstreymið. Aðeins liðu 48 klukkustundir frá því að henni var gefið Viagra þar til greinileg áhrif þess sáust.
„Þegar ég vaknaði grínaðist ég við lækninn að hann hefði gefið mér Viagra. Hann hló og sagði: „Nei, í alvörunni, þú fékkst stóran skammt af Viagra.“ Þetta var jólakraftaverkið mitt,“ sagði hún.
Monica jafnaði sig hratt og komst heim fyrir jól. „Það var örugglega Viagra sem bjargaði lífi mínu,“ sagði hún.
